Os cawsoch lythyr yn gofyn i chi gymryd rhan mewn asesiad fideo, darllenwch a dilynwch y camau isod.
Beth dylwn ei wneud cyn yr alwad fideo?
Mae’n bwysig gwirio bod eich offer yn gweithio cyn eich asesiad i wneud yn siŵr bod yr alwad yn rhedeg yn esmwyth. Dylai hyn gymryd dim ond pum munud o’ch amser.
Eisteddwch mewn man tawel lle na fydd neb yn tarfu arnoch a gwnewch yn siŵr bod gennych:
Cyfrifiadur bwrdd gwaith, gliniadur, llechen neu ffôn symudol sydd â chamera wyneb blaen, seinyddion a meicroffon
Cysylltiad rhyngrwyd da. Os gallwch chi ffrydio cerddoriaeth neu fideos, dylai eich cysylltiad rhyngrwyd allu cynnal asesiadau fideo
Fersiwn diweddaraf o borwyr gwe Google Chrome, Safari neu Microsoft Edge. Gallwch wirio hyn yng ngosodiadau eich porwr.
Sicrhewch fod eich meicroffon, camera a chysylltiad rhyngrwyd yn gweithio trwy glicio ar y botwm ‘Test Video Call’ isod. Bydd ffenestr newydd yn agor i roi gwybod i chi os gallwch wneud galwad fideo
Os cewch neges yn dweud “You are able to make WebRTC calls” dylech gau’r ffenestr hon – peidiwch â chau ffenestr y porwr.
Beth sydd angen i mi ei wneud ar ddiwrnod fy asesiad?
Ewch i’r tudalen hwn eto a chlicio ar y botwm Start Video Call isod.
Efallai y cewch neges yn gofyn i chi dderbyn pob cwci. Os felly, derbyniwch bob cwci.
Ar eich ymweliad cyntaf, bydd ffenestr newydd yn dangos gyda neges yn gofyn am eich caniatâd i ddefnyddio eich meicroffon a chamera. Cliciwch ar Continue.
Bydd neges yn ymddangos yn gofyn am fynediad i’ch meicroffon a’ch camera. Cliciwch ar Allow.
Cliciwch Enter Waiting Area, darllenwch y wybodaeth ac yna cliciwch ar Next step.
Llenwch y ffurflen gyda’ch manylion a chliciwch ar Next step.
Cliciwch y blwch ticio, i gytuno i’r ‘Telerau a pholisïau’ ac yna cliciwch ar Enter Waiting Area.
Yna byddwch yn mynd i mewn i ystafell rithwir breifat. Bydd y Gweithiwr Gofal Iechyd Proffesiynol yn gweld eich bod wedi cyrraedd a bydd yn ymuno â chi yn fuan.
Adnoddau ychwanegol:
Canllaw help technegol
Dalen Wybodaeth
Help gydag asesiadau fideo
Cwestiynau Cyffredin
Mae galwadau fideo yn gwbl ddiogel, a diogelir eich preifatrwydd. Bydd eich asesiad yn cael ei gynnal mewn ystafell asesu rithwir breifat a dim ond ein staff all fynd i mewn.
Ewch i’n canllaw help technegol am fwy o wybodaeth.
Mae asesiad fideo yn defnyddio tua’r un faint o ddata â Skype neu FaceTime. Os ydych yn defnyddio ffôn clyfar neu lechen, cysylltwch â rhwydwaith WiFi cartref neu rwydwaith WiFi diogel arall i osgoi defnyddio’ch lwfans data symudol.
Gallwch gysylltu â’r ddesg gymorth apwyntiadau ar 0800 288 8777 rhwng 9am a 5pm, dydd Llun i ddydd Gwener.